Skip to content

March 2026

АСТАНАДА 18 МЫҢНАН АСТАМ БАЛА БІР МЕЗЕТТЕ АСЫҚ ОЙНАДЫ Астанада 18 мыңнан астам бала бір уақытта қазақтың ең танымал ұлттық ойындарының бірі – асық ойынын ойнады. Ауқымы жағынан ерекше бұл іс-шара Ұлттық спорт күніне орай ұйымдастырылды. Цифрландыру жылы аясында Ж.Үшкемпіров атындағы Жекпе-жек сарайында өтті. Ірі мәдени-спорттық шара ұлттық құндылықтарды насихаттауға бағытталды. Елордадағы Жекпе-жек сарайының алаңында 3000 бала «АЛТЫН САҚА» флешмобына қатысты. Олар арнайы композицияға тұрып, асықтың «Алшы» келбеті мен «Алтын сақа» жазуын бейнеледі. Музыкалық әуенмен балалар флешмобтың көркем мазмұнын ашатын түрлі би қимылдарын орындады.�Бағдарламаны толықтай Айдар есімді жасанды интеллект жүргізді. Флешмоб аяқталғаннан кейін жасанды интеллект қаланың барлық білім беру ұйымында – балабақшалар мен мектептерде – асық ойынының басталғанын ресми түрде жариялады. Осы белгі бойынша бір мезетте 18 000-нан астам бала бүкіл қала бойынша асық ойнай бастады. Мәдени-спорттық іс-шараның басты мақсаты – асық ойынын кеңінен насихаттау, оның тәрбиелік мәнін түсіндіру және жас ұрпақтың ұлттық спорт түрлеріне деген қызығушылығын арттыру.

Астана қаласы әкімдігінің “Балаларға қосымша білім беру оқу -әдістемелік орталығы” КММ ұйымдастыруымен Астана қаласының мектептері арасында өткен «Әке мен бала – бір команда» сайысына қатысып, «Асық ату» номинациясы бойынша 7 «Ғ» сынып оқушысы Тұрсынәлі Әлрахман және әкесі Мекенбек Дәурен Тұрсынәлі III орын иеленді. Жеңімпаздарды шын жүректен құттықтаймыз! Жеңістеріңіз көп болсын!

Қасиетті Рамазан айында №25 мектеп ұжымы бірлесе отырып қайырымдылық шарасын ұйымдастырды. Ұжым болып азық-түлік жинап, мұқтаж отбасыға табыстадық. Жақсылық жасап, сауапты іске атсалысқан барша мектеп ұжымына алғысымыз шексіз! Бірлігіміз жарасып, мейіріміміз арта берсін